Contoh
Bhs.Rinenggo dalam Acara-Acara Jawa
1.Conto nomer siji (Contoh nomer satu)
Assalamu’alaikum wr. wb.
الحمد لله رب العالمين- وبه نستعين على امورالدنياوالدين – والصلاةوالسلام على سيدناومولنامحمد- وعلى اله وصحبه اجمعين- ولاحول ولاقوةالابالله العلى العظيم- امابعد
-ingkang kinurmatan al mukharom Bopo K.H Iskandar S.Ag, M.SI
saking latah Salatiga ingkang tansah kito antu antu mauidhoh khasanahipun.
-ingkang kawulo hormati Bopo Kepala Dusun Tarukan
-ingkang kawulo hormati Bopo Ketua Takmir Masjid Baiturrahman
Tarukan
-ingkang kawulo hormati poro alim soho poro ulama’ ingkang tansah
kito to’ati fatwanipun
-ingkang kawulo hormati poro pini sepuh soho aji sepuh
-ingkang kawulo hormati bapak-bapak, ibu-ibu soho adik- adik
Hadirin rohimakumullah
langkung rumiyin monggo kito panjataken raos puji syukur wonten
ngarsanipun Allah SWT ingkang sampun maringi kito pinten-pinten kenikmatan,
sehinggo wonten ing siang puniko kito saget makempal wonten ing Masjid
Baiturrahman mriki kangge mengeti pengaosan Halal bi halal soho pengetan Kemerdekaan
RI ingkang kaping 68, kanti wilujeng mboten wonten halangan setunggal punopo.
Sholawat soho salam mugi-mugi kunjuk dumateng Nabi Muhammad SAW,
engkang mbeto umatipun saking zaman jahiliyah tumuju zaman islamiyah engkang
kito raosaken sak meniko, soho engkang kito antu-antu syafaatipun wonten ing
yaumil Qiyamah Amin.
Wonten mriki kawulo kajibah minongko pranoto adicoro, badhe
maosaken susunan acoro wonten ing siang puniko.
Adicoro kaping sepindah inggih meniko : Pambuko
Adicoro kaping kalih inggih meniko : Waosan tahlil
Adicoro kaping tigo inggih meniko : Sambutan-sambutan
Adicoro kaping sekawan inggih meniko : istirahat soho hiburan
Adicoro kaping gangsal inggih meniko : waosan ayat-ayat suci
Alqur’an
Adicoro kaping enem inggih meniko : inti pengaosan kelajengaken
do’a
Adicoro kaping pitu inggih meniko : penutup soho musyafakhah.
Adicoro kaping sepindah inggih puniko pambuko, monggo acoro wonten
ing siang puniko kito bikak kanthi waosan ummul Qitab sesarengan....
al-Fatihah.
Adicoro kaping kaleh inggih puniko wosan tahlil ingkang bande
dipun pimpin dining Bopo Ustadz Nur
Khamim, wedal soho panggenan kulo sumanggaaken.
Adicoro engkang kaping tigo inggih puniko sambutan-sambutan:
• Sambutan ingkang
kaping sepindah saking Kepala Dusun Tarukan, dumateng panjenenganipun Bopo
Kasirin wedal soho panggenan kulo sumanggaaken.
• Sambutan ingkang
kaping kalih saking Takmir Masjid Baiturrahman, dumateng panjenenganipun Bopo
Arif Mukhlasin wedal soho panggenan kulo sumanggaaken
Adicoro ingkang kaping sekawan inggih puniko istirahat soho
hiburan sangking grub robana Haida Al-Rahmah
Adicoro kaping gangsal inggih puniko wosan ayat-ayat suci
al-Qur’an ingkang bande dipun waos dining ibu Umi Khoiriyah, wedal soho
panggenan kulo sumanggaaken.
Tumuju titiwancinipun adicoro ingkang kaping gangsal inggih puniko
inti pengaosan ingkang kalajengaken do’a. Dumateng al mukharom Bopo KH.
Iskandar wekdal soho panggenan kawulo sumanggaaken.
Adicoro kaping pungkasan inggih puniko penutup ingkang
kalajengaken musyafakhah, monggo acoro pengaosan wonten ing siang puniko kito
tutup kanthi waosan hamdallah soho do’a kifarotul majlis. Kulo dereaken...
Mekaten saking kawulo, sakderengipun musyafakhah dipun wiwiti,
kulo minangkani pranoto adicoro menawi wonten atur engkang kirang mranani
dumateng penggaleh panjenengan sedoyo kulo nyuwun agungin pangapunten.
Wassalamualaikum Wr.Wb
2.Conto nomer loro (Contoh nomer dua)
Assalamu'alikum Wr.Wb.
panjenenganipun para sesepuh,para pinisepuh ingkang hanggung
mastuti dhumateng pepoyaning kautaman, ingkang pantes pinundhi saha
kinabekten,punapa dene pengjenenganipun panjenenganipun kakung sumawana putri
ingkang dahat kalingga murdhaning akrami
Khanti pepayung budi rahayu sah hangunjukaken raos suka
syukur dhumateng gusti,"mugi rahayuha sagung dumadi",tansah kajiwa
lan kasalira dhumateng panjenengan sadaya hangkuberana dhumateng kawula
Amit oasang aliman tabik,mugi tinebihna ing iladuni myang
tulak sarik,dene kawula cumanthaka marak mangarsa hanggempil kamardi kan
panjenengan inngkang katemben wawan pangandikan,inggih awratipun hamestuti
jejibahan luhur kula pinji. Minangka duta saraya sulih sarira saking
panjenenganipun Bp............sekalihan
panjenenganipun Bp........sekalihan garwa(ingkang mengku
gati) ingkang pantes katuran sangunging pakurmatan,kula pinangka sulih sarira
saking panjenengenipun Bp........sekalihan,ingkang sepisan;ngaturakeun salam
taklim mugi katur wonten ngarsa panjenengan,sumarambah para kulawarga
samudayanipun.
Jangkep kaping kalih;ing nguni sampun wonten
pirembagan,ingantawisipun Bp.......... sekalihan,hanggadhahi putra kakung
kekasihpun Bg.........kaliyan Bp.........sekalihan garwa (lingkang mengku
gati)hanggadhahi kenya sesilih Rr.........
Gumulonging pirembagan nedya hangraketaken balung pisah
daging arenggang,bebasan ngebun-ebun enjang ajejawah sonten ndhodhok latar
ndhodhog lawang sumedya nginang jambe suruhe kanthi atur makaten karena sampun
jumbuh anggenipun pepetangan saha sampun manunggal cipta,rasa miwah
karsa,ingkang punika saking angenging manah panjenengenipun Bp.........
sekalihan,anggeniupn katampi panglamaripun pramila inng kalengahan punika
ngaturaken saran miwah upakarti pinangka jangkeping tatacara salaki rabi
Weondene ingkang badhe kaaturaken wonten kaarsanipun
Bp.......... sekalihan garwa inggih pnika;
sanggan,saha majemuk ingkang sampun wonten wujudpun,kanthi
pangajabing sadya dadosa sarana sahipun sesanggeman miwahb rake ting kekadangan,saengga
mboten sa'aged pisah lami-laminipun.
kasoking katresna Bp......... sekalihan garwa,ing mriki
badhe ngaturaken malih ingkang awujud.................. ing pangajab pinangka
agemanipun badhe/calon panganten putri.
Mboten kakilapan Bp...................sekalihan ngaturaken
redana wujudpun art,keinginga darnel ngentheng-enthengi anggenipun
Bp........... sekalihan garwa (ingkang mengku gati)netepi darmaning sepuh
harmiwaha putra mahargya siswi. Kajawi punika panyuwunipun
Bp.........sekalihan,ing benjang menawi sampun dumugi titiwanci tumapaking
gati,mugi calon panganten kaijabna saha kapanggihna anut satataning agami miwah
adat widhiwidana ingkang sampun lumampah wonten ing mriki.
Minangka pungkasening atur,hambok bilih
Bp...........sekalihan anggenipun ngaturaken sarana dalah upakarti wonten
kakirangannipun,mawantu-wantu nyuwun angenging samodra pangaksamisumamnten ugi
kula minangka sulih sarira saking panjenengenipun Bp..........sekalihan,menawi
wonte gonyak ganyuking wicara miwah kiranging suba sita ingrah tatakrami,kawula
nyuwn sihing samodra pangaksami.
Akhiru kalam billahi taufik wal hidayah.
Wassalamu'alaikun Wr.Wb.
3.Conto nomer telu (Contoh nomer telu)
MC MANTEN BOSO JAWI
· Hadrotal
Mukarromin poro ulamul Amilin, soho poro bapak Kyai ingkang rinten dalu tansah
sumanding kalian pustoko suci wahyuning Ilahi, minongko panuntun kiblating
panembah ingkang satuhu luhuring budi, wabil khusus dumateng panjenenganipun
Romo Kyai ARIV ingkang tansah dipun tenggo menggah punopo ingkang dados atur
fatwa utawi Mauidloh Hasanahipun.
· Dumateng
panjenenganipun poro pepunden poro sesepuh dalah pinisepuh ingkang sampun
handukaping yuswo, ingkang ateges sampun pono ing pamawas soho lebodo ing
pitutur
· Dumateng
panjenenganipun poro pangemban pangembating projo satriyaning nagari minongko
dados pandam pandoming poro kawulo dasih ingkang sanubo ing pakurmatan
· Dumateng
panjenenganipun poro Bapak dalah poro Ibu penderek risang pinanganten
(kakung/putri) ingkang saking tlatah SEMANDING ingkang pantes lamunto
sinudarsono
· Samudayaning
poro tamu kakung miwah putri, kadang taruno soho kadang werdo ingkang satuhu
dahat kinurmatan.
Minongko dados purwakaning atur, sumonggo kulo dalah
panjenengan sami tansah muji syukur dumateng ngarso dhalem Allah SWT biqoulina
ALHAMDULILLAHIROBBIL ‘ALAMIN, dene punopo kanti Rohmat Taufiq Hidayah soho
Barokah ingkang rumentah dateng kulo dalah panjenengan sami, katitik ing titi
kalodangan (Enjang Siang Dalu) puniko, kito sedoyo saget makempal manunggal
saperlu nderek-nderek mangayu bagyo wontenipun adicoro pawiwahan agung unduh
pinanganten wonten ing dhalemipun (Bopo/Ibu Jojon) kanti kawontenan rahayu
wilujeng widodo lir ing sambikolo
Sholawatullohi wasalamuh mugio tansah katur kunjuk dumateng
junjungan kito Nabi Agung Muhammad SAW, salah setunggalipun prio agung
mustikaning bawono ingkang dados cundakaning Gusti ingkang akaryo luko kangge
amilujengaken poro jalmo awit saking marco modo tumuju ing surgo luko, kanti
pangajab mugi-mugi kanti barokahipun pawiwahan agung puniko, saget andadosaken
sababiyahipun kito sedoyo pikantuk syafa’atipun benjang wonten ing Yaumal
qiyamah amin
Samudayaning poro tamu ingkang manggih karaharjan, sarono
gempil pangardikaning penggalih, kawulo kaparengo mbucal trapsilo kumo wanton
cumantoko ngabiyantoro wonten ing ngarso handiko sami alumantar pawiwahan agung
wonten ing saat meniko,saperlu nderek nderek mangayu bagyo lan ngesto’aken
dumateng temanten kekalih nun inggih (Nimas kusumaning Ayu LUNA MAYA putri
pepareb saking panjenenganipun Bopo DANI DEWA, wonten ing saat puniko pikantuk
nugroho sih palimarmaning Gusti, ingkang supados gumebyur wonten ing telaganing
bebrayan agung, winengku satriyo tomo nun inggih Kakang Mas Dyan Bagus ARIEL
PETERPEN jalu tanoyo saking panjenenganipun Romo ROMA IRAMA ingkang pidalem
wonten ing tlatah JAKARTE), kanti raos panolongso, kawulo ugi mundi kaluhuran
saking panjenenganipun ingkang hamengku karso ingkang supados ngrantamaken
menggah titi laksono adicoro ingkang bade kalampah wonten ing titi kalodangan
(Enjang Siang Dalu) puniko, pramilo sakderengipun adicoro kalampah, kaparengo
pambyoworo hamawaosaken menggah reroncening adicoro ingkang bade kalampah :
· Adicoro
ingkang ongko sepindah nun iggih Pambuko
· Adicoro ingka
ongko 2 Qiro’ati ma tayassaro minal
Qur’an
· Runtut
adicoro ingkang onko 3, nun inggih dawuh pangandikan saking panjenenganipun
sesulih kadang besan soho penderek
risang pinanganten
· Adicoro
ingkang kaping 4 palereman
· Kalajengaken
adicoro ingkang ongko 5 atur pambagyo harjo ingkang hamengku karso sekalian
atur panampi
· Dumawah
adicoro ingkang ongko 6 nun inggih sabdo tomo waskito aji (Mauidlotul Hasanah)
ingkang bade dipun wedar sabdoaken deneng panjenenganipun Romo KH Anisul Fuad
· Paripurnaning
adicoro wonten ing siamg puniko bade kapungkasi kalian waosan Do’a
Mekaten menggah titilaksono adicoro ingkang bade kalampah
wonten iang dalu puniko, Ngengeti wekdal sampun sak antawis (sonten siang),
pramilo monggo adicoro pawiwahan wonten ing Siang puniko kito bikak sareng2
kanti waosan surotul fatihah….. (Matur suwun kawulo aturaken,mugi2 saget beto
lancaripun adicoro wonten ing saat puniko. Amin
Dungkap adicoro ingkang ongko 2 nun inggih Qiro’ati Ma
tayassaro minal Qur’an,(dumateng panjenenganipun Ustadz FERGUSON, salah
setunggalipun Penderek risang pinanganten kakung/estri) wekdal soho panggenan
kawulo aturaken
“Shodaqollohul adzim wasodaqo rosuluhul karim wanahnu ‘ala
dzalika minassyahidin, mekaten kolowau menggah kumandanging pustoko suci Al
qur’anul karim, mugi-mugi saget maha nani khususipun dumateng temanten kekalih
lumeberipun dumateng kulo dalah panjenengan sami, sahinggo kito sedoyo saget
nemahi gesang ingkang Sakinah Mawaddah Warrohmah Barokah Fiddini Waddunya
Walakhiroh Amin ya Robbal Alamin”
“Samudayaning poro tamu kakung miwah putri ingkang manggih
karaharjan, sakderengipun adicoro dipun lajengaken, ing mriki kawulo mewakili Shohibul
hajah, sumonggo pasugatan arupi daharan utawi unjuan ingkang sampun sumadyo
wonten ing ngarso handiko sami, dipun rahapi sareng2, monggop kito wiwiti
sareng2 kanti waosan Basmalah… (Bismillahir Rohmanir Rohim), monggo Bapak Ibu,
dipun sekecaaken anggenipun lenggahan sinambi ngrantos paripurnaning adicoro”.
Dipun lajengaken adicoro ingkang ongko 3 nun inggih Atur
pasrah, pramilo dumateng engkang kajibah wekdal soho panggenan dipun
sumanggaaken , sumonggo..
“Terwoco tumoto (datan tumpang suh wijang wijiling) wicoro
saking panjenenganipun sesulih kadang besan soho penderek risang pinanganten,
pramilo dumateng panjenenganipun dipun aturaken matur suwun”
Poro pinilenggah sami ingkang satuhu dahat kinurmatan,
dungkap adicoro ingkang saklajengipun, 4 nun inggih Atur pambagyo harjo saking
panjenenganipun ingkang hamengku karso sekalian atur panampi, ingkang bade
dipun aturaken dining panjenenganipun ROMO SULE PRIKITIU, dumateng
panjenenganipun dipun sumanggaaken..
“Kaduk ruruh tur hangrarah prono atur pangandikan wakil
saking panjenenganipun Shohibul Hajah soho atur panampi, pramilo dumateng
panjenenganipun kawulo aturaken aGunging panuwun”
Dungkap lumampahing titilaksono adicoro ingkang ongko 5 nun
inggih Mauidlotul Hasanah, wondenten wekdal puniko bade dipun wedar sabdoaken
dening panjenenganipun ROMO KYAI OBAMA Saking Tlatah AMERIKA, pramilo dumateng
panjenenganipun wekdal soho panggenan dipun aturaken
“Makaten kolowau “MH”, mugi2 punopo ingkang sampun dipun
aturaken leres2 saget Manfaati soho barokahi khususipun dumateng temanten
kekalih lumeberipun dumateng kulo dalah panjenengan sami, Amin
“Poro pinilenggah sami,adicoro tuin adicoro sampun kalampah,
minongko paripurnaning adicoro pawiwahan agung wonten ing (siang malam) puniko,
bade dipun pumgkasi kalian waosan Do’a, Ananging sakderengipun acoro Do’a
kawiwitan minongko pratondoning adicoro sampun paripurno, rising pinanganten
sekalian kadereaken sanak kadang sak murwatipun, kasuwun jumejer wonten ing
rerambatan ngajeng meniko, ingkang saperlu bade nyuwun edi pangestu saking poro pinilenggah sami, saking kawulo
minongko pambyoworo estu katah kalepatan soho kekirangan awit cupeting
pangertosan kawulo babakan trapsilo soho subo seto, pramilo kawulo tansah
nyadong lumunturing sih samudro pangaksami ingkang tanpo upami, kawulo akhiri
Wallohul muwaffiq liaqwamitthoriq Assalamu’alaikum Wr Wb
4.Conto nomer papat (Contoh nomer
empat)
Nuwun, kulanuwun. Panjenenganipun para pepundhen, para
sesepuh, para pinisepuh ingkang hanggung mastuti dhumateng pepoyaning kautamen,
ingkang pantes pinundhi-pundhi saha kinabekten. Punapa dene panjenenganipun
para tamu kakung sumawana putri ingkang dahat kalingga murdaning akrami.
Amit pasang aliman tabik, mugi tinebihna ing iladuni myang
tulak sarik, dene kula cumanthaka sowan mangarsa hanggempil kamardikan
panjenengan ingkang katemben wawan pangandikan. Kula piniji hanjejeri minangka
pangendaliwara keparenga hambuka wiwaraning suka wenganing wicara dwaraning
kandha, saperlu mratitisaken murih rancaking titilaksana adicara pawiwawahan
prasaja ing ratri kalenggahan punika.
Sumangga kula derekaken sesarengan manungku puja-puji-santhi
wonten ngarsaning Gusti Ingkang Maha Suci, ingkang sampun kepareng paring
rahmat lan nikmat gumelaring alam agesang wonten madyaning bebrayan agung.
Katitik rahayu sagung dumadi tansah kajiwa kasalira dhumateng panjenengan
sadaya dalasan kawula, saengga kita saged hanglonggaraken penggalih hamenakaken
wanci sarta kaperluan rawuh kempal manunggal ing pawiwahan punika, saperlu
hanjenengi sarta paring berkah pangestu dhumateng Bapa Yatno sakulawangsa
anggenipun hanetepi dharmaning sepuh hangrakit sekar cepaka mulya hamiwaha putra
mahargya siwi, tetepa winengku ing suka basuki.
Para tamu kakung sumawana putri, wondene menggah reroncening
tata adicara ingkang sampun rinancang rinacik rinumpaka dening para kulawangsa
nun inggih:
Eko laksitagati purwakaning pahargyan inggih sowanipun putra
temanten putri mijil saking tepas wangi manjing ing madyaning sasana rinengga
Dwi laksitagati rawuh & jengkaripun putra temanten
kakung tumuju dhateng madyaning sasana wiwaha
Tri laksitagati pasrah-pinampi putra temanten kakung
Catur laksitagati dhaup panggihing putra temanten anut
satataning adat widhiwadana ingkang sampun sinengker tumunten kalajengaken
upacara krobongan
Panca laksitagati nderek mangayuhbagyahipun kadang besan
dhateng ingkang hamengku gati ing sasana wiwaha tumunten kalajengaken upacara
sungkem
Sad laksitagati atur pangbagyaharjo panjenenganipun ingkang
hamengku gati katur sagung para tamu
Sapta laksitagati lengseripun temanten sarimbit saking
madyaning sasana wiwaha manjing ing sasana busana, saperlu rucat busana
kanarendran santun busana ksatrian
Hasta laksitagati sowan malihipun temanten sarimbit
ngabyantara para tamu saperlu nyenyadhang pudyastawa murih widadaning bebrayan
Nawa laksitagati paripurnaning pahargyan inggih jengkaripun
temanten sarimbit saking madyaning sasana rinengga tumuju dhateng wiwaraning
pawiwahan.
Mekaten menggah reroncening tata adicara pawiwahan ing ratri
kalenggahan punika. Salajengipun, keparenga para tamu pinarak wonten ing
palenggahan kanthi mardu-mardikaning penggalih, miwah kawula derekaken
hanyrantos tumapaking tata adicara sinambi nglaras rarasing gending2 jawi.
Nuwun, nuwun, matur nuwun.
Tag :
Bahasa Jawa
0 Komentar untuk "Conto boso Rinenggo"